du mochst scho wieda den söbn schaß mit mia wie imma. obwoist ma nu vor a poar monat vasprochn host, dassdas nimma mit mia duast.
wenn i onruaf hebst net ob, du raufst net zruck. wonn i da a sms schreib, schreibst net zruck.
auf die idee, dassd di amoi bei mia mödn kunntst, a wonnst nix von mia brauchst, kummst net.
i kumm ma vor wia a notnogl. wonn dei freindin amoi grod ka zeit hot bin i auf amoi wieda guat gnuag. oba des spüts nimma. mia duat des weh und des hob i da scho öfter ois amoi gsogt. von am guadn freind erwort i ma, dass er nix moch, wos mei leben "schlimmer" mocht, oba onscheinend bist des jo eh net.
du host nie checkt wonns ma scheiße gonga is bzw hostas vielleicht eh checkt und host nix gsogt, wos i jo nu ärger fandat.
desmoi loss is erst gornet so weit kumma, bist wieda irgendan scheiß baust, desmoi schau i nimma zua. desmoi her i vorher auf.
danke, auf so a freindschoft konn i vazichten und des werd i a.
und wags jo net, dassd onkrochn kummst mit deim dackelblick, a poar tränen druckst und glaubst ois is wieda guat.
desmoi loss i de entscheidung wies weida geht nimma dia.
i wü die a zeitl net hern und net seng, oba des wird dir eh sicha net schwer foin.
i hob da des des letzte moi scho gsogt, i bin net dei spüzeig. oba du duast nix ondas mit mia ois spün.
i wünsch da vü glück nd hoff für dei freindin, dassd sie besser behondlst.