okay süße, jetzt gehts weiter ;)

wos sogst übrigens zu meine tollen nomen?! bei de meisten wirst eh ka übersetzung brauchen...

oiso weida zum loga... in da letzten nocht hots donn an klanen zwischenfoi geben. die frau doktor hot unobsichtlich des fenster im zimmer vom coke light man eingschlogen, weis rauchen woit (wos er natürlich net was) unds fenster ind a finstan aufmochn woit, dass kane gössn einakumman...
tja... und donn is passiert, und da coke light man wor ziemlich sauer, weil die frau doktor und da hund erm jo a nocht zufohr aus ernam zimma außi ghaut hom, weil er so org gschnorcht hot ,)

oiso hot da coke light man bittere rache geschworen und hot lauthois verkündet, dass die frau doktor in da nocht ka aug zua mochn wird...

nochdem er einige tabletten intus ghobt hot, wegend a gicht, wor er ziemlich schnö zua und lästig... er woit mi net ins bett lossn, hot mi zwunga, dass i sauf und woit ma donn nu ketchup aufs zohnbirschtl schmian... (wos erm oba net gelungen is, es is donn in seim leibal glond - hehe)

alladings hob i nu glick ghobt, im vergleich zur fr. doktor. nochdem nämlich olle ins bett san, hot er begonnen seinen racheakt durchzuziehen... ongfonga hots mit rasierschaum... den hot er ihr aufn kopfpoista gsprüht, während sie sie gwoschen hot, hot er ihr von da dreiteiligen matrotzn an teil weggnumma... donn is er olle hoibe stund in ihr zimma hots liacht aufdraht und de fenster aufgrissen, dass die gössn einakumman...

des is donn de gonze noch so weida gonga, am nächsten tog worn a ziemlich vü sochen von ihr verschwunden....

sie hot gmand, sie hot in da nocht kurz an a schorfes küchenmesser docht...

nochdem sie oba gwusst hot, dass er immer der sein wird, der nu weida geht bei soiche lästigkeiten, hot sie sie gornet auf soiche spielchen einglossn und hot olles über sich ergehen lossen...

die stimmung am freitog wor donn natürlich homma... beim frühstück hot kana a wort gsogt, außer es worn irgendwöche gehässigkeiten...

i wor nämlich a ziemlich sauer, denn i bin aufgstonden woitat zu deiner überraschung schaun, die i gmocht hob und wos siag i.... irgend a trottl hot in da nocht kleber drüberglat.... ausam coke light man hom olle nu gschlofn, oiso is donn nu mei rache kumma...i bin von zimma zu zimma grennt mit am großen top und am kochlöffel und hob die leid "sanft" aus ihren träumen geweckt... nochdems die augen aufgrissen hom hob is mit de worte: host du mei büd ruiniert? - ongschrian....

natürlich woitats donn kana gwesen sein, es hot kana de courrage ghobt, dass ers zuagibt, und i hob a an verdocht wers wor: i glaub da mr. feinrip wors, weil der hot am komischten reagiert - hot gsogt er wor nie in diesem raum, und waß gornet wos fia a büd i man, dawei waß i genau dass er sies am obend davor ongschaut hot...

außerdem warat er vü zu feig, dass er zuagibt, dass ers gwesen is...

egal... loss ma des jetzt....


seitm loga is da kontakt ziemlich lahm, weil jo jetzt olle aufm nächsten loga san, nua da coke light man hot mi amoi ongruafn ob i mitm erm, mit seim bruada und freind von erm volleyboi spün geh... des hob i oba donn dankend obglehnt, weil soweit i des mitkriagt hob, warat i de einzige frau unter lauter orge männer gwesen, wos ma jo sunst nix ausmocht, oba i wor an diesem tag net in da stimmung zu sowos...


bussis hob di lieb!